In li autobus (Raconta)

In li autobus

Pos li scola yo eat con mi max amica per autobus a hem. Regretabilmen li autobus esset vermen plen e noi stat apud un sede. Ta sedet quar púeres. Li autobus deve ear tra un forest sur li via a nor dom. Ci li strada ne es bon, hay mult fores in li asfalte. Noi ne posset tener fixmen nos alcú, dunc yo devet provar equilibrar. E to ne esset facil.

Subitmen li autobus vehiculat rapidmen in un curve. Yo ne esset plus tener me e cadet sur li gremie de un púer. Yo rubijat e devenit rubi quam un tomate pro yo have decitri annus e es ancor un poc timid. Li tri altri amicos sur li sedes ridet e un púer fat mem un foto de me sedente sur li gremie de su amico per su smartfon. Yo levat me rapidmen. Li púer subridet a me, ma yo ignorat le e anc li jocas del altri púeres.

Yo esset tre desperat e li via a hem esset nequande tam long quam hodie. Yo esset tre felici quande yo finalmen posset descender del autobus. Li die sequent yo devet dementir in li scola que yo have un amico de cordie. It semblat a me que li foto con me sur li gremie del púer ha atinget li tot scola.