Li Luce de Interlingue

Eclipse Poema in dece-un paroles Eclipse Rar fenomen Li sole despari Dansa con li lune Eveniment

Kelpies Poema de dece-un parolas (Elfchen) Kelpies Misteriosi creaturas Atender in lagos Ili aspecte quam cavalles Dangere (Kelpies es demonic entes in li scotic mitologie. Li aspecte quam grand bell cavalles e vole fa dronar homes in lagos e fluvies)

Scotia Poema in dece-un paroles Scotia Marvelosi país Montes castelles fiordes Admirar li bell paisage Magie

ESTIVE Poema de dece-un paroles Estive Long jornes Li sole brillia Svimmar in li lago Calore

Vacanties Poema de dece-un paroles Vacanties Null scola Témpor por viagear Yo jui chascun die Libertá

 Elin ex li nocte del medie-estive Yo havet decidu annus quande yo perdit li via in li nocte del medie-estive. Yo esset vermen stult. Yo visitat mi grand-matre e ella habitat in un litt village. In li village de mi grand-matre evenit un grand festa por li medie-estive. It esset li max long nocte del annu. Partú ridet homes, infantes ludet ínter li betules. Sur un scene ludet un gruppe de musica e li homes dansat. Corones ex flores ornat li capes del puellas e súper li foy on posset odorar rostat pane. Anc yo portat un coron ex flores, queles yo hat coliet sur li prates, sur mi cap. Yo devet urinar e yo decidet ear in li forest pro que avan li mobil-closetes esset mult homes e li closetes ja esset tre sordid. Dunc yo ineat in li forest durant li nocte. Ma mi grand-matre hat advertit me: „Resta sur li vias, Mara. Li forest es afabil, ma in li nocte del medie-estive sovente strangi coses posse evenir.“ Yo hat ridet pri to. Yo devet ear extra li vias por urinar. Yo ne volet que alq...

  Yo tre ama li horrore-film "Jennifer's body" ('Li córpor de Jennifer'). It ha inspirat me por far un nov canzon. Li amicitá ínter li timid Needy (Anita) e li popular Jennifer es in li centre de ti film. Jennifer es sacrificat al diabol per li membres de un rock-musica gruppe, ma ella suptervivet, ma es transformat a un succubus. Por viver Jennifer deve mortar nu púeres. Li film ha inspirat me por far un canzon e  un nov video de Interlingue. Por li musica yo usat SUNO AI, ma li concept e li textu es de me. Li video have subititules in Interlingue. Jennifer... Jennifer... Jennifer... Yo ne volet ti horror. Yo ama te ancor. Pardona me... Amicas por sempre, Mi Jennifer. Omnes videt tui splendor clar, ma yo restat in un angul obscur. Die pos die yo tacentmen stat, ascoltante un melodie secret. Ma profund in mi cordie ardet, un flamme quel nequí videt. Nomina me debil, nomina me quiet, ma yo surtit ex li nocte ínquiet. Vu pensat que yo va cader, ma yo trovat mi propr...

 Ante tri mensus ha creat un nov video de Interlingue. Por li musica yo usat SUNO AI, ma li concept e li textu es de me. Li stil es electronic gotic dark wave. Li video have anc subititules in Interlingue. Mi facie es pallid, mi ocules ne brillia plu. Mi voce es frigid, mi mente ne es clar plu. Yo have un vive, quel yo nequande volet. It es un terribil munde, in quel yo es captet. Yo ne vide li sole, li luce es nigri, Yo audi li nocte, omnicós es grisi. Yo have un vive, quel yo nequande volet. It es un terribil munde, in quel yo es captet. Null bell somnies, atende me, Solmen li cochemares, chascun matine. Yo have un vive, quel yo nequande volet. It es un terribil munde, in quel yo es captet.

 Li nigri candel Mi nómine es Yvonne. Yo have decetri annus. Yo es un puella. It es li véspere ante Crist-nascentie, o qualmen on anc di li vigilie de Crist-nascentie. Mi genitores ne es in hem. Ili es sur un festa di Crist-nascentie che amicos. Yo es sol in hem. To es bon.  Yo odia Crist-nascentie. Yo regarda ex li fenestre. Li strade es covrit per nive. Li strade es vacui. Li dom es tranquil. Plu tranquil quam customalmen. Yo sede in li salon. Yo regarda in li televison un serie de Netflix. It es pri amore. Ma yo es sol. In li vésper ante Crist-nascentie. To es trist. Mi smartfon jace apud me sur li sofa. Li scren es nigri. Subitmen. Musica. Ex mi smartfon. Ma yo ne ha tuchat it. Li musica es piani. Li canzon es distordet. Un canzon de Crist-nascentie. Ma yo odia Crist-nascentie. Yo regarda fixmen a mi smartfon Li scren resta obscur. Malgré to li musica continua. Yo leva li smartfon. Li canzon cessa. Tranquilitá. Yo mette l...

  Yo ha scrit un haiku poema in Interlingue. Un haiku es un traditional japanesi poema. It have tri lineas e 5-7-5 sillabes. Li tema del haiku es sempre un descrition del natura. Sub li lune clar (Haiku in Interlingue) Sub li lune clar, folies cade lentmen, li nocte spira .

    Yo ha creat un nov video de Interlingue. Por li musica yo usat SUNO AI, ma li concept e li textu es de me. Yo creat un Cristnascentie-canzon in Interlingue-Occidental. Li video have anc subititules in Interlingue. Ci es li textu del canzon: LI NOCTE DEL MIRACUL Nocte tranquil, sub stelles radiant, Luces calent in fenestres brilliant. Omni cordies senti li nov pace, In ti nocte plen de amore. O canta, canta, Li nocte del miracul veni a nos. Luce del esperantie brillia in nor vias, Canta, canta:  Cristnascentie es proxim de nos. Nive cade lentmen sur li terre, Li munde es blanc,  infantes ride. Un cloche sona in li lontanie, E amemora nos a pace e amore. O canta, canta, Li nocte del miracul veni a nos. Luce del esperantie brillia in nor vias, Canta, canta:  Cristnascentie es proxim de nos. Flammes brillia circum li familie, Reunit cordies trova un leni calme. Un simplic don,  ma plen de cordie, Amemora nos a un vive in calore. O canta, canta, Li nocte del...

 Li ultim candel Mi nómine es Liv. Yo have deciquin annus e yo have rubi-blond capilles. Secun li opinion de mi max bon amica Tamara yo have tro mult lentiges por esser un vampira por ti halloween-festa. Ma yo insiste que vampiras anc posse haver lentiges. Noi have un festa con amicos e amicas. Chascun person, qui partiprende recive un candel. Nor hósped Katrin di: „Li candeles es to quo vu ne vole perdir. Nequande!“ Ella parla pri amicitá, amore e memories. Yo ne vole perdir me self. To significa li version de mi personalitá, quel es autentic. Ta version, quel ne honte se constant. Noi esset duantquin persones. Duantquin litt flammes brula. Qual bell idé. Subitmen mi candel flammea. Yo cessa respirar. Un curt convulsion. Solmen mi candel extinte. Poy seque silentie. Obscuritá. Alquí voca: „Un aer-currente!“ Yo ride quam omnicos es índiferent por me. Yo simula que to es solmen un litt malchance. Ma nu omnicos es diferent. Quande yo ea a hem yo fa signos per li manus a mi amicas e a...

 Yo ha scrit un haiku por Halloween. Voces murmura, Ombres dansa in luce, Fantomes ride.

  In jurnales por yunes on sovente trova un rubrica pri drolli litt accidentes. Ci es un tal raconta in Interlingue pri un puella in li lecion de sport. Yo ha originalmen scrit it in Interlingue. Blu ocules Hodie noi havet un lecion de sport in li scola. Noi ludet volleyball. Yo ne es un tre bon lusora, ma yo volet aspecter ben, pro que Timo regardat nos. Yo esset secretmen inamorat in Timo. Il esset in mi parallel classe, e noi ambi havet 14 annus. Yo portat mi nov, elegant rubi curt sport-pantalon e mi nigri sport-t-camise. Yo pensat: Yo va monstrar a il que yo posse ben luder volleyball. Omnicos comensat ben, til li momente quande noi atendet un servicie del altri equip. Li lusora del altri equip besonat mult témpor e mi ocules serchat e trovat Timo. Yo donat a Timo mi max bell subrise por esser cert que il perceptet me. Ma in ti momente it evenit. Li balle frappat mi visage o plu precis mi dextri ocul in plen rapidité. In prim yo sentit un vertigine e in mi cap omnicos girat...

  Yo ha creat un nov video de Interlingue. Por li musica yo usat SUNO AI, ma li concept e li textu es de me. Li stil es electronic gotic dark wave. Li video have anc subititules in Interlingue. Inter li árbores Patricia! Patricia! Noi atende! Veni! Yo audi mi nómine, Inter li árbores, In li obskur nocte, Sub li stelles. Yo ne have un scope, Li voce es sonori, Mi vive es un ccohemare, Obscur e misteriosi. Yo canta, Inter li árbores. Yo cria, Inter li árbores Yo plora, Inter li árbores. Yo ne vole, Salvation o auxillie, Yo ne vide, Comense e fine. Yo canta, Inter li árbores Yo cria, Inter li árbores Yo plora, Inter li árbores Yo ne conosse, Ni li questiones. Yo ne conosse, Ni li responses, Yo ne vole, Salvation o auxilie, Yo ne vide, Comense e fine. Yo canta, Inter li árbores, Yo cria, Inter li árbores, Yo plora, Inter li árbores.

 Yo ha trovat ti-ci poema de David Adam durant nor vacanties in Finland con mi genitores e mi sestra in li eclesie del finlandes cité Raahe. Durant li viage Mey li Dómino esser che te, quande tu forea, E il mey benedir te, quande tu reveni, Ad-úcunc tu ea, tu ea sempre in su presentie. Deo acompania te durant tui viage, Comensa te mover con li fortie de Deo, Deo es con te sur omni vias, Il protecte te de omni dangeres, Il garda tui córpor e tui anim, Annu pos annu il ea tui protection.

Li magical nocte del solsticie Raconta da Patricia Schmidt It esset li die del solsticie: Li max long jorne del annu! Yo esset tre excitat, proque yo hat leet mult in li internet e in old libres pri ancian legendes e mores por ti die. Secun li ancian legendes durant ti nocte magie e secretes deveni vivid denov. Yo sempre hat amat li idé investigar lu ínconosset, benque yo ancor have 15 annus. Ti nocte esset perfect por sentir li special atmosfere de un tal magie. Li jorne esset tre callid. In li pos-midí yo eat svimmar con mi genitores e mi sestra in li lago. Omnes esset fatigat pro li long jorne e li grand calore, dunc mi tot familie dormit ja ante minocte. To esset mi grand chance! Yo vestit me pianimen e yo furtivmen vadat ex li dom. Nor dom es situat al margine de un forest e yo ineat in li forest quelc minutes pos minocte. Li luce lunari brilliat argentin. Quande yo eat plu profundmen in li forest mi excitation crescet plu e plu. Li ciel esset clar e li stelles splendet lucidmen. ...

 Ci es un litt poema pri li autun, quel yo ha creat originalmen in Interlingue. Yo espera que it plese a vos: Li Calme del Autun De Patricia Schmidt Silente cade sur li forest, Li vent murmura in aurin foliesm Li sole glissa bass sub li nubes, E li jorne se clude, lent e seren. Li odore de pluvie e humid terre, Li sapore de pomes e fum, Porta memories del lontan estive, Quam luce in un obscur fenestre, E yo marche, sol, inter folies, Pensante pri coses passat, Ma senti que in li calme del autun, Chascun fine es un comensa.

Salute e benevenit che mi blog Li Luce de Interlingue! Interlingue es un international auxiliari lingue, quel esset creat in li annu 1922 de Edgar De Wahl sub li nómine Occidental! It esset li unesim realisat projecte de un natural planlingue.  Li international paroles in Interlingue ne es chanjat quam in altri planlingues quam Esperanto o Ido, ma Interlingue es anc totmen regulari malgré to su naturalitá. Li grammatica es minimal e tre facil. Li ortografie de Occidental esset facilisat in li annus 30 del 20-im secul con li consentiment de Edgar de Wahl. Pro to it es mult plu quam un imitation de un lingue roman.  Interlingue es ancor apt quam international auxiliari lingue in contrari a Interlingue de IALA, quel esset creat in li annu 1949 e presc destructet li movement de Interlingue. Li Interlingua de IALA vole esser un ponte lingue al lingues roman, ma it resta un imitation captet in old formes del old latin. Por un possibil unition con li projecte de IALA li nómine de Occ...